Tá séasúr gradam idirnáisiúnta na n-ealaíon faoi lán seoil an ráithe seo. Ach sa bhaile, seachtain ón Aoine bheag seo, beidh aird phobal na nGael dírithe ar Bhéal Feirste, áit a reáchtálfar Gradaim Nós 2025.
Ainmneofar buaiteoirí i naoi gcatagóir san iomlán ar oíche na hócáide, an 21 Feabhra.
Beidh cuid mhaith de na ceoltóirí atá ainmnithe ag casadh ceoil ar an oíche.
Ní eol dúinn an mbeidh rapálaithe Bhéal Feirste Kneecap, a bhfuil ocht n-ainmniúcháin acu i mbliana, i láthair ar an Aoine ach deis iontach a bhéas ann don phobal tallann nua agus plúr na ceirde a fheiceáil.
Italy 17 Ireland 22: How the Irish players rated in Rome
US travel ban: Trump administration considers restrictions on 41 countries, expels South African ambassador
Israeli man spat at when confronted by two women in Dún Laoghaire bar, online footage shows
David McWilliams: We witnessed in the White House the ‘Doonbegisation’ of Irish foreign policy
“Déanann muid ceiliúradh ar cheoltóirí aonair agus grúpaí a chumann agus a sheinneann ceol as Gaeilge i rith na bliana ach is deis í seo oíche chaidrimh a reáchtáil, pobal cheol na Gaeilge a thabhairt le chéile agus craic iontach a bheith againn,” a dúirt Conor Torbóid, eagarthóir Nós.
I measc na n-ealaíontóirí ar ghearrliosta na ngradam, tá leithéidí Altan, Amano + Kalabanx, An Chéad Ghlúin Eile, CAOIMHÍN, Clare Sands, Deoraí, Huartan, IMLÉ, John Spillane, Lullahush, Macdara Ó Faoláin, Piaras Ó Lorcáin, RÓIS, SÉIMÍ agus Súil Amháin.
Dhá chatagóir nua atá san áireamh i mbliana, Ceoltóir Aonair na Bliana agus Amhrán Dátheangach na Bliana.
Táille £16 atá ar an oíche. Breis eolais: https://nos.ie/gradaim-nos-2025/
- Sign up for push alerts and have the best news, analysis and comment delivered directly to your phone
- Join The Irish Times on WhatsApp and stay up to date
- Listen to our Inside Politics podcast for the best political chat and analysis
