Tá Tomás Ó Síocháin ainmnithe ag Bord Údarás na Gaeltachta mar phríomhfheidhmeannach nua ar an eagras.
Áisíneacht stáit is ea Údarás na Gaeltachta atá freagrach as forbairt eacnamaíoch, shóisialta agus chultúrtha na Gaeltachta a chur chun cinn.
Glacadh leis an ainmniúchán “d’aon ghuth” ag cruinniú príobháideach de Bhord Údarás na Gaeltachta an tseachtain seo, a dúirt ráiteas a d’eisigh Údarás ar maidin.
Tagann Ó Síocháin as Co an Chláir ó dhúchas agus tá sé ina chónaí i mBearna, i nGaeltacht na Gaillimhe. Tá sé ina phríomhfheidhmeannach ar Choimisiún Forbartha an Iarthair ó 2018 agus roimhe sin, chaith sé tréimhse ag obair mar bhainisteoir in Ollscoil na Gaillimhe, áit a raibh sé ag plé le forbairt réigiúnda na hollscoile. Bhí sé ag obair le TG4 agus RTÉ mar eagarthóir agus mar iriseoir ar feadh 14 bliain.
‘Focus less on the job you want in 10 years and more on growing skills and constantly learning’: LinkedIn’s CEO on making it in the world of work
Think you know when it’ll be time to tell Bundee Aki and Tadhg Furlong to step aside?
Brianna Parkins: I am the butt of my friends’ and family’s jokes because I can’t drive
An Irish Diary on memorable gigs from John Denver in the RDS to Bruce Springsteen in Slane
Tagann sé i gcomharbacht ar Mhícheál Ó hÉanaigh, ar tháinig deireadh lena théarma mar phríomhfheidhmeannach le gairid.
Ag tréaslú le hÓ Síocháin dúirt cathaoirleach Bhord Údarás na Gaeltachta Anna Ní Ghallachair: “Tá ról lárnach ag an Údarás i bhforbairt agus i gcur chun cinn na Gaeltachta agus beidh de chúram ar an phríomhfheidhmeannach nua, i gcomhar leis an mBord, stiúir a thabhairt don obair thábhachtach atá idir lámha ag an eagraíocht. Rachaidh an taithí leathan agus an méid atá bainte amach aige i róil shinsearacha go mór chun sochair do phobal na Gaeltachta agus don teanga sa tréimhse amach romhainn.”
Cuirfidh an príomhfheidhmeannach nua tús lena théarma conartha ar an 7 Nollaig. Go dtí sin beidh stiúrthóir seirbhísí corparáideacha Údarás na Gaeltachta, Colm Ó Coisdealbha, ag gníomhú mar phríomhfheidhmeannach eatramhach.
